跟住菲律賓姐姐去食網紅烤卷店

跟住菲律賓姐姐去搵食~ 呢間來自菲律賓嘅網紅烤卷店前2日係尖沙咀見到排晒隊已經想試,無奈趕住去睇戲無時間,今日見到觀塘都有分店即刻買嚟試吓~ 店舖主要外賣為主,即叫即整,可以睇到晒佢整嘅過程 𖤐ˊ˗滋味牛肉烤卷 烤卷皮帶少少甜味,而牛肉餡料同醬汁都好夠多一齊食好juicy,再加微微辣味好惹味,醬汁多到食完仲剩返好多汁喺個底 𖤐ˊ˗香嫩雞肉烤卷 雞肉唔乾,一樣餡料豐富好juicy,除左雞肉,仲有芝士､蕃茄､青瓜同洋蔥,一個女仔食一條都飽 𖤐ˊ˗滋味牛肉飯(細) 好欣賞佢哋嘅飯有大細size之分,咁樣一個女仔想試烤卷又想試飯嘅可以一次過試晒 一樣餡料爆滿,餡料同烤卷其實係一樣,烤卷皮改成黃色米飯,好好食 𖤐ˊ˗香嫩雞肉飯(大) 肉同汁佈滿咗個飯面,超~~豐富! 如果淨係食肉同飯會比較漏,一定要將所有材料撈埋一齊食,因為有青瓜､洋蔥同蕃茄,成件事唔同晒,又爽口又惹味,大滿足 𖤐ˊ˗即磨咖啡 咖啡幾香都夠滑,同埋好欣賞佢將糖水分開上 𖤣𖤥𖠿𖤣𖤥 @t.cohongkong T.Co (開源道) (觀塘) 觀塘開源道63號福昌大廈地下A6號舖